راولپنڈی20ستمبر(اے پی پی) وفاقی پارلیمانی سیکرٹری اطلاعات و نشریات بیرسٹر دانیال چوہدری آکھیا جو وزیراعظم محمد شہباز شریف تے سعودی ولی عہد شہزادہ محمد بن سلمان وچال تھیوݨ آلا پاک سعودی سٹریٹجک دفاعی معاہدہ ہک تاریخی سنگ میل اے جیڑھا نہ صرف پاکستان بلکہ پوری مسلم دنیا دے اتحاد دی علامت اے۔ او اے پی پی نال ڳالھ مہاڑ کریندے پئے ہن ۔ انہاں آکھیا جو پاکستانی قوم سعودی عرب تے مقدس جہیں کوں اپݨی جان کنوں وی وݙی عزیز رکھیندی اے اتے سعودی عرب دے دفاع کوں دینی فریضہ سمجھدی اے۔ ایں معاہدے نال پاکستان دی سلامتی، خطے وچ استحکام تے امت مسلمہ دے اتحاد کوں نویں تقویت ملسی جیڑھا ہک نویں دور دی شروعات ثابت تھیسی۔ انہاں ایں اہم پیش رفت تے وزیراعظم محمد شہباز شریف تے آرمی چیف فیلڈ مارشل سید عاصم منیر کوں خراج تحسین پیش کریندے آکھیا جو اے اقدام آندیاں نسلاں دے تحفظ دا ضامن تے ݙوہیں بھرا ملکاں کیتے باعث فخر اے۔ بیرسٹر دانیال چوہدری آکھیا جو دفاعی معاہدہ حقیقی معنی وچ گیم چینجر ثابت تھیسی جیڑھا پاکستان تے سعودی عرب دے تعلقات کوں مزید وسعت ݙیسی اتے حرمین شریفین دے تحفظ دے نال نال مسلم دنیا دے اتحاد دی ضمانت وی ݙیسی۔ انہاں آکھیا جو اے دفاعی تعاون محض عسکری سطح تائیں محدود نہ رہسی بلکہ معیشت تے وی ݙو رس اثرات مرتب کریسی۔ ایندے نال سرمایہ کاری وچ ودھارا تے اعتماد دی فضا قائم تھیسی جیندے نال پاکستان دی ترقی دے سفر کوں نویں جہت ملسی
