اسلام آباد۔2اکتوبر(اے پی پی) وزیراعظم پاکستان شہباز شریف دی طرفوں قائم مذاکراتی کمیٹی تے ایکشن کمیٹی وچال مذاکرات دا آغاز تھی ڳئے۔ ڈاکٹر طارق فضل چوہدری اپݨے ٹویٹ وچ آکھئے جو پاکستانی اعلیٰ سطحی وفد دے مظفرآباد وچ جوائنٹ ایکشن کمیٹی دے نمائندیں نال باضابطہ مذاکرات شروع تھی ڳئن۔ پاکستانی وفد تے مشترکہ ایکشن کمیٹی وچال ڳالھ مہاڑ جاری اے۔ وفاقی قیادت تے آزاد کشمیر نمائندیں وچ مختلف امور تے مشاورت کیتی ویندی پئی اے، پاکستانی اعلیٰ سطح دے وفد آزاد کشمیر وچ جمہوری عمل دے ودھارے تے زور ݙتے۔
