اسلام آباد۔ 18 ستمبر (اے پی پی) وفاقی وزیر اقتصادی امور احمد چیمہ آکھیے جو حکومت ملک وچ غیرملکی سرمایہ کاری وچ ودھارے کیتے معاشی تے ریگولیٹری اصلاحات وچ پرعزم اے، خصوصی اقتصادی زونز کوں منظم تے مؤثر انداز وچ وقتی عملی جامہ پوایا ویسی، خصوصی اقتصادی زونز معاشی حکمت عملی دا ہک اہم جزو ہن۔ انہاں اے ڳالھ اتھاں سرمایہ کاری بورڈ دے اسٹریٹجک روڈ میپ متعلق اہم اجلاس دی صدارت کریندے آکھی۔ اجلاس وچ وزیر مملکت خزانہ بلال اظہر کیانی، سیکرٹری سرمایہ کاری بورڈ تے ٻئے سینئر حکام شرکت کیتی۔ اجلاس دا بنیادی مقصد معاشی ترقی دی رفتار کوں تکھا کرݨ، پاکستان دے سرمایہ کاری دے ماحول کوں بہتر بݨاوݨ ت?? غیر ملکی سرمایہ کاری وچ ودھارے کیتے حکمت عملی تے غور کرݨ ہئی۔ وفاقی وزیر سرمایہ کاری بورڈ دی طرفں ریگولیٹری اصلاحاتی پیکیج دے حوالے نال جاری پیشرفت تے اطمینان دا اظہار کیتا۔ انہاں امید ظاہر کیتی جو پاکستان وقتی ہک جامع ریگولیٹری اصلاحاتی پیکیج تیار کریسی جیڑھا سرمایہ کاری کیتے ہک گیم چینجر ثابت تھیسی۔ خصوصی اقتصادی زونز دے حوالے نال ڳالھ مُہاڑ کریندے وفاقی وزیر ایں ڳالھ تے زور ݙتا جو انہاں کوں منظم تے مؤثر انداز وچ وقتی عملی جامہ پوایا ونڄے۔ انہاں دا ٻیا آکھݨ ہئی جو ایس ای زیز پاکستان دی معاشی حکمت عملی دا ہک اہم جزو ہن جیڑھے صنعتی توسیع، روزگار دے موقع ݙیوݨ تے تکنیکی ترقی وچ نمایاں کردار ادا کریندن ۔ انہاں وفاقی تے صوبائی حکومتاں وچال تکڑے تعاون دی لوڑھ تے وی زور ݙتا تاں جو اے زونز عالمی معیار موجب ہوون ت?? غیر ملکی سرمایہ کاری کوں اپݨے پاسے متوجہ کرسڳن۔ وفاقی وزیر کوں اصلاحات دی صورت حال تے وفاقی تے صوبائی حکومتاں وچال تعاون تے وی بریفنگ ݙتی ڳئی۔ انہاں صوبائی حکام دے اصلاحاتی ایجنڈے دے نال پیشگی ہم آہنگی دی تعریف کیتی تے اینکوں ہک مربوط قومی سرمایہ کاری فریم ورک دے قیام کیتے سنگ بنیاد قرار ݙتا۔
