اسلام آباد۔ 3 مئی (اے ??ی پی)وزیراعظم محمد شہباز شریف آکھیے جو پہلگام واقعے دے بعد بھارت دیاں اشتعال انگیز کارروائیاں دے باوجود پاکستان دا ردعمل ذمہ دارانہ رہیے، بھارت پہلگام واقعے اچ پاکستان دے ملوث ہووݨ دا کہیں وی قسم دا ثبوت ݙیوݨ اچ ناکام رہیے اتے او پاکستان کوں پہلگام واقعے نال جوڑݨ دی سازش کریندا پئے، ترکیہ دی طرفوں جنوبی ایشیا اچ امن و امان دی موجودہ صورتحال اچ پاکستان دی حمایت دے نال نال خطے اچ امن دے مطالبے تے صدر رجب طیب اردوان دا شکریہ ادا کریندے ہیسے۔ وزیراعظم آفس دے میڈیا ونگ توں جاری پریس ریلیز موجب وزیراعظم نال ترکیہ دے سفیر ڈاکٹر عرفان نیزیرولو وزیراعظم ہاؤس اچ ملاقات کیتی۔ ملاقات دے دوران وزیراعظم صدر رجب طیب اردوان کیتے نیک خواہشات دا اظہار کیتا اتے 22 اپریل 2025 کوں اپݨے اڄوکے دورہ انقرہ دا ذکر کیتا جتھاں ݙوہیں رہنماواں ٻہوں سارے شعبیاں اچ پاک ترک تعلقات کوں اڳوں ودھاوݨ تے ڳالھ مہاڑ ??یتی ہئی۔ وزیراعظم صدر اردوان دا جنوبی ایشیا اچ امن و امان دی موجودہ صورتحال اچ پاکستان دی حمایت دے نال نال خطے اچ امن دے مطالبے تے انہاں دا شکریہ ادا کیتا۔ وزیراعظم آکھیا جو پاکستان کیتے ترکیہ دی حمایت ݙوہیں ملکاں اتے انہاں دے عوام وچال تاریخی اتے گھاٹے برادرانہ تعلقات کوں ظاہر کریندی اے ۔ وزیراعظم آکھیا جو پہلگام واقعے دے بعد بھارت دیاں اشتعال انگیز کارروائیاں دے باوجود پاکستان دا ردعمل ذمہ دارانہ رہیے۔ وزیراعظم ایں ڳالھ دا اعادہ کیتا جو پاکستان ہمیشہ ہر قسم دی دہشت گردی دی مذمت کیتی اے۔ وزیراعظم آکھیے پاکستان انسداد دہشت گردی دیاں کوششاں اچ وݙیاں قربانیاں ݙتن ، جنہاں اچ 90,000 اموات اتے 152 بلین امریکی ڈالر توں ودھ دا معاشی ضیان شامل اے۔ وزیراعظم آکھیے بھارتی اقدامات پاکستان دیاں انسداد دہشت گردی دیاں کوششاں توں توجہ ہٹاوݨ دی مذموم کوشش اے۔ وزیراعظم آکھیے بھارت پہلگام واقعے اچ پاکستان دے ملوث ہووݨ دا کہیں وی قسم دا ثبوت ݙیوݨ اچ ناکام رہیے اتے او پاکستان کوں پہلگام واقعے نال جوڑݨ دی سازش کریندا ??ئے?? وزیراعظم آکھیے بھارت ہݨ تئیں پہلگام واقعے دے پچھوں لُکیے حقائق دا پتہ کرݨ سانڳے قابل اعتماد، شفاف اتے غیر جانبدار بین الاقوامی تحقیقات دی پاکستان دی پیشکش دا جواب ݙیوݨا اے۔ پاکستان ایں طرح دیاں تحقیقات اچ مکمل تعاون کریسی اتے اگر ترکیہ ایں اچ شامل تھیندے تاں ایں دا خیرمقدم کیتا ویسی۔ وزیراعظم محمد شہباز شریف آکھیے پاکستان ایں ویلھے اپݨی اقتصادی بحالی اتے ترقی تے اپݨی پوری توجہ مرکوز کیتی ٻیٹھے جیں کیتے اینکوں اپݨے گوانڈھ اچ امن اتے سلامتی دی لوڑھ اے۔ ترک سفیر وزیراعظم کوں ݙسایا ترکیہ پاکستان دے موقف دا حامی اے۔ ترک سفیر پاکستان دے نال اپݨی یکجہتی دا اظہار کریندے ہوئیں خطے اچ کشیدگی گھٹ کرݨ اتے جنوبی ایشیا اچ امن و سلامتی کوں برقرار رکھݨ کیتے موجودہ بحران اچ تحمل نال کم گھنݨ تے زور ݙتا۔
.jpg)
