اسلام آباد – 05 – سيپٽمبر (اي پي پي) نيشنل ٽرانسميشن اينڊ ڊسپيچ ڪمپني (اين ٽي ڊي سي) وزيراعظم جي عورتن کي بااختيار بڻائڻ واري پروگرام تحت اسلام آباد جي آفيس ۾ هڪ جديد ڊي ڪيئر سينٽر قائم ڪيو آهي. اداري جي جنرل مئنيجر (ايڇ آر) انجنيئر سهيل ممتاز باجوا ۽ جنرل مئنيجر پروجيڪٽ ڊليوري (اتر) انجنيئر شاهد نذير زيرو پوائنٽ جي ويجهو سيڪٽر جي سيون ون ۾ قائم آفيس ۾ ڊي ڪيئر سينٽر جو افتتاح ڪيو، ڊي ڪيئر سينٽر قائم ڪرڻ جو مقصد آفيس ۾ ڪم ڪندڙ عورت آفيسرن ۽ عملي جي سهولت مهيا ڪرڻ آهي، اداري جي جنرل مئنيجر سينٽر ۾ موجود راندين جي ڪمري، نرسري ۽ باورچي خاني جو دورو ڪيو ۽ اعليٰ معيار جي سهولتن جي ساراهه ڪئي. اهو منصوبو اين ٽي ڊي سي ۾ ٽيون اضافو آهي، ان کان اڳ شاهين ڪمپليڪس ۽ لاهور ۾ ٽي ايس جي ٽريننگ سينٽر اڳ ۾ ئي قائم آهن، جڏهن ته ملتان، حيدرآباد ۽ ٻين وڏن شهرن ۾ آفيسرن لاءِ وڌيڪ ڊي ڪيئر سينٽر پڻ قائم ڪيا ويا آهن. توانائي واري وزارت (پاور ڊويزن) جي هدايتن جي تعميل ?? هيڊ آفيس جي سطح تي هڪ ڪراس فنڪشنل ٽيم جوڙي وئي آهي، جيڪا عورتن جي ملازمن لاءِ ڊي ڪيئر سينٽرز ۽ سهولتن جي قيام جي معاملن جي نگراني ڪندي. ان موقعي تي اين ٽي ڊي سي ڊي ڪيئر سينٽرز جو فوڪل پرسن ۽ ٻيا سينيئر آفيسر ۽ بيو عملو موجود هو.
.jpg)
.jpg)
