پاکستان اتے ایران وچال سکیورٹی، تجارت، سائنس و ٹیکنالوجی، ویٹرنری ہیلتھ، ثقافت اتے عدالتی امور سودھے مختلف شعبیں اچ تعاون ودھاوݨ سانڳے 8 معاہدیں تے مفاہمت دی یادداشتاں تے دستخط

2025-03-05 17:56:08

اسلام آباد۔22اپریل (اے پی پی) پاکستان اتے ایران وچال سکیورٹی، تجارت، سائنس و ٹیکنالوجی، ویٹرنری ہیلتھ، ثقافت اتے عدالتی امور سودھے مختلف شعبیں اچ تعاون ودھاوݨ سانڳے 8 معاہدیں تے مفاہمت دی یادداشتاں تے دستخط کرݙتن ۔ دستخط دی تقریب وزیراعظم ہاؤس اچ تھئی ۔ ایں موقع تے وزیراعظم شہباز شریف اتے ایران دے صدر ڈاکٹر سید ابراہیم رئیسی وی موجود ہن۔ ݙوہیں ملکاں وچال سکیورٹی دے شعبے اچ تعاون دے معاہدے دی توثیق کر ݙتی ڳئی ۔ سول معاملات اچ تعاون سانڳے عدالتی معاونت دے معاہدے تے وفاقی وزیر قانون و انصاف اعظم نذیر تارڑ اتے ایرانی دے وزیر انصاف امین حسین رحیمی دستخط کیتن۔ ݙوہیں ملکاں وچال ویٹرنری و حیوانات دی صحت دے شعبے اچ تعاون دے معاہدے تے دستخط کیتے ڳئن۔ معاہدے تے نیشنل فوڈ سکیورٹی اینڈ ریسرچ دے وزیر رانا تنویر حسین اتے ایران دے وزیر زراعت جہاد محمد علی نیک بخت دستخط کیتن۔ پاکستان اتے ایران وچال جوائنٹ فری اکنامک زون سپیشل اکنامک زون دے قیام سانڳے مفاہمت دی یاددا??ت تے سیکرٹری سرمایہ کاری بورڈ عنبرین افتخار اتے ایران دے مشیر صدر و سپریم کونسل آف فری ٹریڈ انڈسٹریل اینڈ سپیشل اکنامک زونز دے سیکرٹری حجت اللہ عبد المالکی دستخط کیتن ایران دی وزارت کوآپریٹو لیبر اینڈ سوشل ویلفیئر اتے وزارت سمندر پار پاکستانیز و پاکستان دی انسانی وسائل دی ترقی وچال تعاون دے ھک مفاہمت دی یاددا??ت تے وفاقی وزیر اوورسیز پاکستانیز چوہدری سالک حسین اتے ایران دے وزیر روڈ و شہری ترقی مہرداد بازرپاش دستخط کیتن۔ ݙوہیں فریقاں پاکستان سٹینڈرڈ اینڈ کوالٹی کنٹرول اتھارٹی وزارت سائنس و ٹیکنالوجی اتے ایران دی نیشنل سٹینڈرڈ آرگنائزیشن وچال تعاون سانڳے مفاہمت دی یاددا??ت تے دستخط کیتن مفاہمت دی یاددا??ت تے وفاقی وزیر سائنس و ٹیکنالوجی ڈاکٹر خالد مقبول صدیقی اتے ایران دے وزیر سڑکاں تے شہری ترقی مہرداد بازرپاش دستخط کیتن۔ پاکستان اتے ایران میوچل لیگل کو آپریشن سانڳے مفاہمت دی یاددا??ت تے وی دستخط کیتن ۔ مفاہمت دی یاددا??ت تے وزیر قانون و انصاف اعظم نذیر تارڑ اتے وزیر انصاف امین حسین رحیمی دستخط کیتن۔ پاکستان دی وزارت اطلاعات و نشریات اتے ایران دی آرگنائزیشن آف سینما اینڈ آڈیو ویژوئل افیئرز وچال ݙوہیں ملکاں اچ فلماں دے تبادلے اتے تعاون ودھاوݨ سانڳے ھک مفاہمت دی یاددا??ت تے دستخط کیتن ۔ ایں ایم او یو تے وفاقی وزیر اطلاعات و نشریات عطا اللہ تارڑ اتے ایران دے وزیر ثقافت و اسلامی رہنمائی محمد مہدی اسماعیلی دستخط کیتن۔