پاکستان توں پولیو دے خاتمے دا پروگرام مستحکم ترقیاتی اہداف ،اٹھارویں ترمیم دے نتیجے اچ تشکیل ڈتے گے قانون تے نیشنل ہیلتھ وژن 2025نال براہ راست جڑیا ہویا ہے
اسلام آباد ۔ 24 اکتوبر (اے پی پی) وفاقی وزیر صحت سائرہ افضل تارڑ اپنڑے پیغام اچ آکھیا ہے جو پولیو دا تدراک پاکستان دی ترجیحات اچ شامل ہے ۔انہاں دے گالھ پولیو توں بچاونڑ دا عالمی ڈینھ دے موقع تے اپنڑے پیغام اچ آکھی جیرھا جو پاکستان سمیت ساری دنیا اچ منگل کوں چنگے طریقے نال منایا گیا ۔اے ڈینھ ہر سال 24اکتوبر کوں منایا ویندا ہے ۔پولیو دے خاتمے دا پروگرام مستحکم ترقیاتی اہداف ،، اٹھارویں آئینی ترمیم دے نتیجے اچ بنڑائے گے قانون تے نیشنل ہیلتھ وژن 2025دے نال براہ راست رلیا ہویا ہے ۔ انہاں قوانین دے تحت سارے پاکستانیاں کوں صحت دیاں بہترین سہولتاں دی فراہمی سانگے خاص طور تے تریمتاں تے بالاں دی بنیادی صحت دیاں سہولتاں تئیں سوکھے رسائی ممکن تھیوے اساڈی آئینی ذمے واریاں اچ شامل ہے ۔پولیو دا تدراک پاکستان دی ترجیح اچ شامل ہے ۔ پروگرام کوں کامیابی نال توڑ پجاونڑ ،اساں اپنڑی ساری توجہ بہوں تشویش دے علاقیں اچ معمول دی امیونائزیشن یعنی بالاں کوںحفاظتی ٹیکیں اتے پولیو توں بچاﺅ دے حفاظتی قطریں دی فراہمی یقینی بنڑاونڑ تے توجہ ڈتی ۔ پاکستان اچ انتہائی تشویش دے ضلعے اچ بہترین کاکردگی تے نتیجے پولیو وائرس دے تابوت اچ چھیکڑی کل ثابت تھیسی۔ اﷲ تعالیٰ دے فضل و کرم نال اساں پولیو دے موذی وائرس دے مزید افزائش، پھیلاﺅ دی روک تھام اتے مرض دے پورے تدارک دے ہدف بہوں نیڑے ہن ۔ میڈا سارے والدین اتے بالاں دی نگہداشت تے مامورلوکاں سانگے اے پیغام ہے جو او بالاں کوں پولیو وائرس دے حفاظتی قطرے پلا تے نہ صر ف اپنڑے بالاں کوں بلکہ دنیا دے سارے بالاں کوں پولیو دے حملے دے نتیجے اچ مستقل جسمانی معذوری دا شکار تھیونڑ توں تحفظ فراہم کریندے ہن ۔انہاں آکھیا جو میں پولیو دے عالمی ڈینھ دے موقع تے ایمرجنسی اپریشن سنٹر کوں انہاں دی بہتر کاردگی تے سلام پیش کریندی ہاں۔انھاں آکھیا جو اساں سارے رل تے ہک صحت مند معاشرے دی تشکیل اچ اپنڑاں کردا ادا کروں ۔
.jpg)
