اسلام آباد۔27جون (اے پی پی):چیئرمین سینیٹ محمد صادق سنجرانی آکھیے جو کورونا وائرس نال نبݨݨ کیتے عالمی ادارہ صحت دا تعاون مثالی رہیا۔پاکستان ایں خطے دا واحد ملک اے جتھاں ایں وبائی مرض کوں موثر انداز اچ قابو کیتا ڳئے ۔ سینیٹ سیکرٹریٹ توں جاری بیان موجب ، اے ڳالھ انہاں پاکستان اچ عالمی ادارہ صحت دے نمائندے ڈاکٹر پلیتھا گونراتھنا نال ملاقات اچ آکھی اے جنہاں سنوار کوں اتھاں ملاقات کیتی ۔ملاقات ویلھے پاکستان اچ کورونا وائرس دی صورتحال تے ڳالھ مہاڑ کیتی ڳئی اے ۔ڈاکٹر پلیتھا چیئرمین سینیٹ کوں ڈبلیو ایچ او دے پاکستان اچ منصوبیں متعلق ݙسایا تے آکھیے جو پاکستان خطے دا واحد ملک اے جتھاں ایں وبائی مرض کوں موثر انداز اچ قابو کیتا ڳئے ،چیئرمین سینیٹ اے وی آکھیا جو کورونا وائرس نال نبݨݨ کیتے ڈبلیو ایچ او دا وختی تعاون مثالی رہیا۔امید اے ڈبلیو ایچ او پاکستان کیتے تعاون جاری رکھیسی ۔
