کراچی۔14اگست (اے پی پی):وزیراعلی ٰسندھ سید مراد علی شاہ پاکستان دے 75ویں یوم آزادی تے اہل وطن کوں مبارخ ݙیندے ہوئیں آکھیے جو اساں آپݨے قائد کوں خراج عقیدت پیش کرݨ آیوں ، اساکوں رل تے ملک کوں مضبوط کرݨا اے ۔ یوم آزادی دی ڈائمنڈ جوبلی دے موقع تے قائم مقام گورنرسندھ اتے صوبائی کابینہ دے ارکان دے رلے بانی پاکستان دے مزار تے حاضری توں بعدڳالھ مہاڑ کریندے ہوئیں وزیر اعلیٰ آکھیے جو کل لاہور دے پی ٹی آئی جلسے کیتے پاکستان دا جھنڈا لاتھا ڳئے ، اساں ایندی مذمت کریندوں، عمران نیازی اقتدار کیتے ملک دی محبت اتے ہرروایت بھل ڳئن، انہاں آکھیے ملک اوکھے ویلھے توں گزردا پئے ، اساکوں محبت تے یکجہتی دے نال اڳوں ودھݨا اے ۔۔
