اسلام آباد۔21مئی (اے پی پی):وزیر اعظم عمران خان آکھیے جو ایشیا دا مستقبل دنیا دا مستقبل اے،اساکوں چیلنجاں دا سامݨا اے لیکن ترقی وخوشحالی دے زبر??ست موقع موجود ہن۔کورونا توں متاثرہ ترقی پذیر ملکاں دیاں معیشتاں دی بحالی تے معاشرتی استحکام کیتے مالیاتی سوکھ تے فنڈز ݙتے ونڄن ،ترقی یافتہ اتے ترقی پذیر معیشتاں دے مابین ڈیجیٹل تفریق کوں ختم کرݨا ہوسی ،پائیدار ترقی اتے 2050 تئیں کاربن دے مکمل اخراج دے ا??دا?? دے حصول کیتے بنیادی ڈھانچے تے وݙے پیمانے تے سرمایہ کاری دی لوڑھ اے ،پاکستان بھارت سودھے سارے ہمسایہ ملکاں دے نال پرامن اتے تعاون تے مبنی تعلقات چاہندے ۔ایں کیتے بھارت کوں کشمیراچ انسانی حقوق دیاں پامالیاں بند اتے5 ا??ست دے یکطرفہ اقدامات تے نظرثانی کرݨی ہوسی ،فلسطین دی صورتحال ہر ھک کیتے گہری تشویش دا باعث اے،اقوام متحدہ دی متعلقہ قراداداں اتے ݙو ریاستی نظریہ دے تحت منصفانہ اتے دیر تئیں حل کیتے سہولت ݙتی ونڄݨی چاہیدی اے ،جݙاں تئیں ایں خطے پراݨے جھیڑے کوں حل نی کریندے ترقی دے امکان توں اوں ویلھے تئیں فیدہ نی چا سڳدے ،افغانستان دے جھیڑے دا کوئی فوجی حل کائنی۔ او جمعے کوں ایشیا دے مستقبل دے موضوع تے 26 ویں کانف??نس توں ورچوئل خ??اب کریندے پئے ہن ، انہاں آکھیے جو ایں کانف??نس توں خ??اب انہاں کیتے اعزاز اے،ایشیا دنیا دی آبادی دا نصف اے ایشیا دا مستقبل دنیا دا مستقبل اے،اے او جاہ اے جتھاں گزریل پنجاہ سالاں توں انتہائی فعال معاشی نمو،ٹیکنالوجی اچ ترقی،سماجی تبدیلی،صنعت وحرفت اچ ترقی تے انسانی ترقی تھئی اے ۔
