اسلام آباد۔28اکتوبر (اے پی پی) وزیر اعظم محمد شہباز شریف آکھیا جو دہشت گردی مکاوݨ کیتے قانون نافذ کرݨ آلے اداریاں دی کارکردگی قابل تعریف اے، چین اتے سعودی عرب ہر اوکھ اچ اساݙا ساتھ ݙتے۔ اے ڳالھیں انہاں جمعے کوں پولیس سروس آف پاکستان دے 48 ویں ایس ٹی پی بیج دی پاسنگ آؤٹ پریڈ توں خطاب کریندیں ہوئیں آکھی۔ وزیراعظم پاسنگ آؤٹ پریڈ اچ کامیاب تھیوݨ آلے پولیس اہلکاراں کوں مبارخ ݙتی۔ انہاں آکھیا جو انہاں نینگراں میرٹ تے کامیابی ڳھدی اتے انعام ݙتے ڳئن۔ والدین چنڳی طرح انہاں دی تعلیم تے تربیت کیت?? جڈانجو نیشنل اکیڈمی اچ پروفیشنل کیرئیر کیتے انہآں کوں بہترین تربیت ݙتی ڳی۔ انہاں آکھیا جو کامیابی حاصل کرݨ آلیاں اچ پورے پاکستان توں نینگر چھوہر اتے چھوہریں شامل ہن۔ قوم دی دھیریں زندگی دے ہر شعبے اچ اڳوں ودھدی پن۔ او ملک دی خوشحالی، ترقی ، بینکنگ ، پولیس سمیت ٻے شعبیاں اچ اہم کردار ادا کریندی پن۔ ایں توں ظاہر تھیندے جو پاکستان ساری اوک?? دے باوجود اقوام عالم اچ آپݨا ونڄیا ہوئیا مقام حاصل کریندا پے۔ وزیراعظم آکھیا جو نیشنل پولیس اکیڈمی اچ پروفیشنل انداز اچ ڳھٹ مدتی اتے طویل مدتی کورسز دی تربیت ݙت?? ویندی پی اے۔ پولیس اکیڈمی اچ فرانزک لیبارٹری ہووݨٰی چہیدی اے۔ انہاں آکھیا جو محدود وسائل دے باوجود ترائے کروڑ 30 لکھ چھل متاثرین دی بحالی اتے تعمیر نو کیتے اقدامات کریندے پیوں۔ انہاں کیتے خیمے، خوراک اتے پاݨٰی دا بندوبست کیتا ویندا پے اتے ایں دے باوجود نینگراں کوں جدید تکنیک دی تعلیم تے تربیت ݙیوݨ دی ضروری اے۔ انہاں نیشنل پولیس اکیڈمی کیتے اراضی فوری منتقل کرݨ اتے فیکلٹی تے ملازمین دی تنخواہیں تے مراعات ٻئے انسٹی ٹیوٹ دے برابر کرݨ دی ہدایت کیتی۔ ایں توں پہلے وزیراعظم کوں نیشنل پولیس اکیڈمی آوݨ تے گارڈ آف آنر پیش کیتا ڳیا۔ وزیراعظم پاسنگ آؤٹ پریڈ دا معائنہ وی کیتا۔ وزیراعظم نشابر کارکردگی ݙکھاوݨ آلے پولیس افسراں اچ انعامات وی تقسیم کیتے۔ تقریب توں کمانڈنٹ نیشنل پولیس اکیڈمی اے ڈی خواجہ وی خطاب کیتا۔ تقریب اچ وزیرخزانہ اسحاق ڈار، وفاقی وزیر برائے انسانی حقوق ریاض حسین پیرزادہ ، وفاقی وزیربرائے انسداد منشیات شاہ زین بگٹی سودھے ٻئے ارکان پارلیمنٹ اتے اعلیٰ حکام شریک تھیے ۔
.jpg)
